მეტეოროლოგი კობა ფარტენაძე უახლოესი დღეების მოსალოდნელი ამინდის შესახებ წერს:
„საქართველოში უახლოეს პერიოდში, გვეღირსება მზიანი და თბილი დღეები, მოსალოდნელია სტაბილური და უნალექო ამინდი, დღის ტემპერატურა +25 გრადუსზე მაღალი იქნება.
შეგიძლიათ, მიართვათ ყვავილები ერთმანეთს, დატკბეთ ბედნიერი მზის სხივებით და იზეიმოთ ზაფხულის დასაწყისი“, – წერს მეტეოროლოგი.
რაც შეეხება გრძელვადიან პროგნოზს:
სინოპტიკოსების თქმით, ივნისში, მზიან ამინდებთან ერთად წვიმა ელჭექით იქნება მოსალოდნელი.
ტემპერატურა თანდათან მოიმატებს შუა რიცხვებიდან:
თბილისში ივნისის პირველ ნახევარში, ჰაერის ტემპერატურა ძირითადად +24 +26 გრადუსის ფარგლებში იქნება, ხოლო თვის ბოლოსთვის +28 +30 გრადუსამდეც მოიმატებს.
ღამის საათებში კი ტემპერატურა +13-17 გრადუსს შორის იმერყევებს.
წვიმიანი დღეები კვლავ იქნება – მიუხედავად იმისა, რომ მზიანი დღეები ჭარბობს, ივნისში წვიმის ალბათობა სრულად არ ქრება. თვის დასაწყისში ნალექის შანსი შედარებით მაღალია, განსაკუთრებით დღის მეორე ნახევარში და საღამოს საათებში. მოსალოდნელია ხანმოკლე, მაგრამ ინტენსიური წვიმა და ელჭექი. თვის ბოლოსკენ ნალექიანი დღეების რაოდენობა თანდათან შემცირდება.
