აბაშის მუნიციპალიტეტის საკრებულოს წევრი, საფინანსო-საბიუჯეტო კომისიის თავმჯდომარე, შალვა ჯღარკავა გარდაიცვალა
აბაშის მუნიციპალიტეტის საკრებულოს წევრი, საფინანსო-საბიუჯეტო კომისიის თავმჯდომარე, შალვა ჯღარკავა გარდაიცვალა.
შალვა ჯღარკავას გარდაცვალების ფაქტს აბაშის მუნიციპალიტეტის მერი ეხმაურება.
გიგა გაბელაია გარდაცვლილის ოჯახს, ახლობლებსა და კოლეგებს სამძიმარს უცხადებს.
„მწუხარებას გამოვთქვამთ აბაშის მუნიციპალიტეტის საკრებულოს წევრის, საფინანსო-საბიუჯეტო კომისიის თავმჯდომარის, შალვა ჯღარკავას გარდაცვალების გამო.
შალვა ჯღარკავა წლების განმავლობაში სხვადასხვა საპასუხისმგებლო თანამდებობას იკავებდა და მნიშვნელოვანი წვლილი შეჰქონდა მუნიციპალიტეტის საზოგადოებრივ ცხოვრებაში. იგი იყო გამოცდილებისა და პროფესიონალიზმის მქონე საჯარო მოხელე, გამოირჩეოდა პასუხისმგებლობის მაღალი გრძნობითა და საქმისადმი ერთგულებით.
მისი გარდაცვალება დიდი დანაკლისია არა მხოლოდ ოჯახის წევრებისა და ახლობლებისთვის, არამედ კოლეგებისა და მთლიანად ჩვენი მუნიციპალიტეტისთვის.
აბაშის მუნიციპალიტეტის მერიის სახელით, ვუსამძიმრებ გარდაცვლილის ოჯახის წევრებს, ახლობლებს, მეგობრებსა და კოლეგებს.
უფალმა დაუმკვიდროს სამუდამო სასუფეველი!“,- აღნიშნულია სამძიმრის წერილში.
