„ის იყო ნამდვილი მაგალითი იმისა, თუ როგორი უნდა იყოს მასწავლებელი“ – სამტრედიის მე-2 საჯარო სკოლა მზია კირთაძეს ემშვიდობება
სამტრედიის მეორე საჯარო სკოლა პედაგოგ მზია კირთაძის გარდაცვალების გამო მწუხარებას გამოთქვამს და სოციალურ ქსელში სამძიმრის წერილს აქვეყნებს:
„დაგვტოვა გამორჩეულმა მზია მასწავლებელმა… ის იყო ღირსეული, პროფესიონალი, შრომისმოყვარე, გულისხმიერი, უშრეტი ენერგიისა და თითოეულ მოსწავლეზე მზრუნველი პედაგოგი. ის იყო ნამდვილი მაგალითი იმისა, თუ როგორი უნდა იყოს მასწავლებელი… მან ათწლეულები მიუძღვნა სკოლას და თავისი საქმისადმი ერთგულებით ყველას პატივისცემა დაიმსახურა.
თანავუგრძნობთ ოჯახს მზია მასწავლებლის გარდაცვალებას! უფალმა ნათელში ამყოფოს მისი სული!”,-აღნიშნულია სამძიმრის წერილში.
„მთავარი ამბების“ გუნდი უსამძიმრებს გარდაცვლილის ოჯახს, ახლობლებსა და სამტრედიის მეორე საჯარო სკოლის კოლექტივს.
