ბევრს აინტერესებს, მოქმედებს თუ არა ძილის პოზა გულის ჯანმრთელობაზე. გავრცელებული მოსაზრების მიუხედავად, კარდიოლოგის თქმით, არ არსებობს მტკიცებულება, რომ მარცხენა მხარეს ძილი საზიანოა, მათ შორის გულის პრობლემების მქონე ადამიანებისთვის.
ძილი მნიშვნელოვან როლს ასრულებს ორგანიზმისთვის – ის ამცირებს სტრესსა და ანთებას და ხელს უწყობს გულ-სისხლძარღვთა სისტემის ჯანმრთელობას. განსაკუთრებით მნიშვნელოვანია ღრმა და REM ფაზები, რომლებიც პირდაპირ კავშირშია გულის ფუნქციასთან.
პოზას რაც შეეხება, სპეციალისტები აღნიშნავენ, რომ კონკრეტულად „საუკეთესო“ პოზა არ არსებობს. ადამიანები ბუნებრივად იცვლიან მდგომარეობას ძილის დროს, ამიტომ უფრო მნიშვნელოვანია, პოზა ხომ არ იწვევს სუნთქვის გაძნელებას ან კუნთების დაძაბვას. მაგალითად, მუცელზე ძილი შეიძლება დისკომფორტული იყოს და ნაკლებად რეკომენდებულია.
გულის ჯანმრთელობისთვის ერთ-ერთი მთავარი რისკფაქტორია Sleep apnea – მდგომარეობა, რომელიც ზრდის მაღალი წნევისა და არითმიების რისკს. მისი დროული დიაგნოსტიკა და მკურნალობა მნიშვნელოვნად აუმჯობესებს მდგომარეობას.
დასკვნა: ძილის პოზა გადამწყვეტი ფაქტორი არ არის. გაცილებით მნიშვნელოვანია ხარისხიანი, 7–9 საათიანი ძილი და სუნთქვის პრობლემების კონტროლი.
