„შენ გენაცვალე, ძია“ – ეს იყო გულიდან ამოსული სიტყვები! რთულია იმის გადმოცემა, რაც იმ მომენტში ვიგრძენით თითოეულმა მეხანძრე-მაშველმა. როდესაც ბავშვს ხელი მოვკიდეთ, ფეხი ოდნავ გაამოძრავა, სახე დაფარული ჰქონდა… მუჭში თმისსამაგრი ეჭირა 8 საათის განმავლობაში და ხელი რომ მოგვიჭირა, კონტაქტური იყო, ცოტა წამოიტირა, როგორც დიდი ადამიანი, ისე იქცეოდა“ – მეხანძრე-მაშველები გაგა გიგაშვილი და ბექა დაუდაშვილი 3 წლის თაიას პოვნის წუთებს იხსენებენ.



















