,,ნაპოლის“ თავდამსხმელმა, ხვიჩა კვარაცხელიამ თიკო ლაგვილავას სინგაპურში, კონფერენციაზე წასასვლელი თანხის დარჩენილი ნაწილი, 800 ლარის ოდენობით დაუფინანსა. ამის შესახებ ინფორმაციას საზოგადოებას სოციალური ქსელის მეშვეობით თიკო ლაგვილავას ახლობელი, სალომე ფაცაცია უზიარებს.
„სიკეთე ბიჭი რომაა ყველამ ვიცით, მიუხედავად მანძილისა, მუდამ ჩვენს გვერდითაა, ესეც ძალიან კარგად ვიცით, ის რომ ძალიან, ძალიან მაგარი ფეხბურთელია, ეგეც ყველამ ვიცით. თიკო ლაგვილავას სინგაპურში კონფერენციაზე წასასვლელი დარჩენილი 800 ლარი ხვიჩა კვარაცხელიამ დააფინანსა“, – წერს სალომე ფაცაცია და დასძენს, რომ ხვიჩა სიამაყე ბიჭი და საქართველოს ბრილიანტია.
დეტალებზე სალომე ფაცაციამ „ფორტუნასთან“ ისაუბრა. როგორც მან ჩვენთან საუბრისას აღნიშნა, კონფერენცია სინგაპურში მაისში გაიმართება.
„მსოფლიოში ყველაზე დიდი დიპლომატთა ასოციაცია 2023 წლის მაისში, სინგაპურში ატარებს გაეროს მოდელირებას, სადაც მენტორი აშშ-ს ყოფილი პრეზიდენტი ბილ კლინტონია. თიკო ერთ-ერთ დელეგატად არის არჩეული.“ – ამბობს სალომე ფაცაცია.
თიკო ლაგვილავა წარმოშობით ზუგდიდიდან არის. ამჟამად, ნიუ ვიჟენ უნივერსიტეტში სრული დაფინანსებით სწავლობს.
თიკო პოლიტიკის სკოლის პირველი კურსის სტუდენტია და ევროპულ ბიზნეს ასოციაციაში ახალგაზრდული ფრთის კოორდინატორია.
