ილია თოფურიას ყოფილი მეუღლე, ჯორჯინა უზკატეგუი ახალი აღთქმიდან ავრცელებს ეპიზოდს, სადაც დამასკოს გზაზე სავლეს (შემდგომში მოციქულ პავლეს) გაბრწყინებული ზეციური სინათლისგან დაბრმავების მომენტია ასახული.
დამასკოსკენ მიმავალ სავლეს ციდან გარდამოსული კაშკაშა ნათელი შემოადგა და უფლის ხმა მოესმა. შეძრწუნებული სავლე მიწაზე დაეცა, ხოლო წამოდგომისას თვალები გახელილი ჰქონდა, მაგრამ ფიზიკურად ვერაფერს ხედავდა.
,,სავლე ადგა მიწიდან, თუმცა თვალები გაღებული ჰქონდა, ვერაფერს ხედავდა”.
მას ხელკიდებული დასჭირდა, რომ დამასკოში შეეყვანათ, სადაც სრულ სიბნელეში სამი დღე გაატარა, სანამ ერთმა მოწაფემ, ანანიამ მისთვის არ ილოცა და მხედველობა არ დაუბრუნა.
განმარტება: ქრისტიანულ ტრადიციაში ამ სიბრმავეს განიხილავენ არა მხოლოდ ფიზიკური მხედველობის დაკარგვად, არამედ როგორც სიმბოლოს – სავლე ,,სულიერად ბრმა” იყო და ესაწიროებოდა გაჩერება, რათა სხვაგვარად დაენახა საგნები, მანამ გააგრძელებდა თავის გზას.
ეს, დროში ემთხვევა ილია თოფურიას მარცხს UFC-ს ორთაბრძოლაში, სადაც მისმა მეტოქემ, ჯასტინ გეიჯმა ქართველს თვალის არეში მიაყენა მძიმე დაზიანება. საბოლოოდ, მხედველობის შეზღუდვისა და სხვა დაზიანებების გამო, ილია თოფურიას ძმამ, ალექსანდრე თოფურიამ ბრძოლის შეწყვეტა მოითხოვა და გამარჯვება გეიჯს ავტომატურად გაუფორმდა.
მატჩის შემდეგ ილია თოფურიამ მეტოქეს მიმართა:
,,პირველ რაუნდში მარჯვენა თვალით მხედველობა წამართვი, ხოლო მეორე რაუნდის ბოლოს – მარცხენა თვალშიც.
ასეთია ეს სპორტი, დიდება და ტკივილი ერთმანეთის გვერდიგვერდ დადის.
მე გამოვჯანმრთელდები. დავისვენებ. და დავბრუნდები უფრო ძლიერი, უფრო ბრძენი და ბევრად უფრო სახიფათო.
და დამიჯერე… ჩვენი ისტორია აქ არ მთავრდება.
ჩვენ აუცილებლად გვექნება განმეორებითი მატჩი“, – წერს ილია თოფურია.
უცნობია, ილია თოფურიას მხედველობის პრობლემები და ჯორჯინას პოსტი ირიბად კავშირშია თუ არა.
