ტელეკომპანია „გურჯაანი“ სამწუხარო ინფორმაციას ინფორმაციას ავრცელებს. მათივე ცნობით, გარდაიცვალა ჟურნალისტი მანანა მჭედლიშვილი.
ტელევიზიის ინფორმაციით, მანანა მჭედლიშვილი წლების განმავლობაში მუშაობდა მედიაში და ამასთანავე, იყო საჯარო სკოლისა დირექტორი, მასწავლებელი.
„ტელეკომპანია „გურჯაანი“ მანანა მჭედლიშვილს ემშვიდობება… პროფესიით ჟურნალისტმა ტელევიზიაში სრულიად ახალგაზრდამ დაიწყო მუშაობა და მალევე გამოიჩინა თავი პროფესიონალიზმით, ნიჭიერებით, საქმისადმი სიყვარულითა და ერთგულებით. იყო საინფორმაციო სამსახურის კორესპონდენტი, გაკეთებული აქვს არაერთი საავტორო გადაცემა. ტელევიზიის შემდეგ სოფელ ჭანდრის საჯარო სკოლის დირექტორად და ქართული ენისა და ლიტერატურის მასწავლებლად დაიწყო მუშაობა. მანანა მუდამ იყო ჩვენი მეგობარი, გულშემატკივარი, წარმატებების გამზიარებელი. უანგარო, კეთილი, მოსიყვარულე, გამტანი – ტკბილ და დაუვიწყარ მოგონებად დაგვრჩა მისი ყოველი სიტყვა, ღიმილი, იუმორი… დღეს ყველას გვტკივა ჩვენი წილი მანანა, ვიღებთ სამძიმრებს და ჩვენც ვუსამძიმრებთ ოჯახს, მის ვაჟკაცებს – ედუნასა და ლევანს საყვარელი დედის დაკარგვას“, – წერია გავრცელებულ ინფორმაციაში.
