ურეკში 4 ადამიანი ზღვის დინებამ წაიღო. მაშველებმა ოთხივე პირი წყლიდან ამოიყვანეს, თუმცა ერთ-ერთი დაიღუპა. ინფორმაციას გურიის მოამბე ავრცელებს.
ზღვიდან ამოყვანის შემდეგ, დაშავებულის მდგომარეობა მძიმე იყო.
მარნეულის სოფელ აღმამედლოს მკვიდრი, 21 წლის ელნურ ნაბიევი ადგილზე მისულ ფოთის სასწრაფო სამედიცინო ბრიგადას გარდაცვლილი დახვდა.
„21 წლის იყო საცოდავი… ზღვიდან რომ ამოიყვანეს, ბევრი იბრძოლეს მაშველებმა, სანამ სასწრაფო მოვიდოდა მასაჟები არ გაუჩერებიათ, შემდეგ სასწრაფომ გააგრძელა, მაგრამ უშედეგოდ“, – წერენ თვითმხილველები სოციალურ ქსელში.
