ნეაპოლში 4.4 მაგნიტუდის მიწისძვრა მოხდა, ეს არის ყველაზე ძლიერი მიწისძვრა, რაც ამ რეგიონში ბოლო 40 წლის განმავლობაში მომხდარა.
როგორც ადგილობრივი მედია იუწყება, რყევებს წინ უძღოდა “გრუხუნის ხმა”, რამაც ადამიანები შუაღამისას, 1:25 საათზე ქუჩებში გამოაქცია.
მიწისძვრა დაახლოებით 20 წამის განმავლობაში გრძელდებოდა.
იტალიის ეროვნული გეოფიზიკისა და ვულკანოლოგიის ინსტიტუტის (INGV) ცნობით, ეპიცენტრი ნეაპოლის გასწვრივ, სანაპირო ქალაქ პოცუოლის მუნიციპალიტეტის ქვეშ, ორი კილომეტრის სიღრმეზე დაფიქსირდა.
ამან სეისმური მოვლენების ისეთი სერია გამოიწვია, რომლის გამოც შემდეგი ორი საათის განმავლობაში ქალაქს კიდევ ნაკლებად ძლიერი რყევები არყევდა, ხოლო პანიკაში ჩავარდნილი მოსახლეობა ქუჩაში შეგროვდა.
პოცუოლიში მეხანძრეებმა ნანგრევებიდან გამოიყვანეს დაშავებული ქალი, რომლის სახლშიც ჭერი ჩამოინგრა.
ნეაპოლსა და პოცუოლის შორის კი, ბანიოლიში მაშველები იმ ადამიანების გათავისუფლებას ცდილობდნენ, რომლებიც თავიანთ სახლებში გამოიკეტნენ, ზოგიერთი მცხოვრები კი, როგორც ამას საინფორმაციო სააგენტო ANSA იუწყება, ფანჯრებიდან გადმოძვრა.
ეს მიწისძვრა რეგიონში ბოლო ოთხი ათწლეულის განმავლობაში ყველაზე ძლიერი იყო.
