“გამარჯობა ყველას! პირველ რიგში, მადლობა ღმერთს ყველაფრისთვის — როგორც გამარჯვების, ისე მარცხის დროს.
არსებობს რაღაცები, რაც ჩვენს კონტროლს არ ექვემდებარება და რისი გამოსწორებაც, ხშირ შემთხვევაში, იმ მომენტში შეუძლებელია. სწორედ ეს დამემართა გუშინ საღამოს.
ბრძოლის პირველივე წუთზე მარცხენა მხარი ამომივარდა, რის გამოც ბრძოლის დანარჩენ ნაწილში ჩემი მარცხენა ხელი უფუნქციო იყო.
ამას ვინმეს დამსახურების დასაკნინებლად, ან, მით უმეტეს, შედეგის გასამართლებლად არ ვამბობ. უბრალოდ მინდა აგიხსნათ, თუ რა რეალობაში მომიწია ასპარეზობა გუშინ — რადგან ბევრი მეკითხება და მიმაჩნია, რომ ჩემს გულშემატკივრებს სიმართლის ცოდნის უფლება აქვთ.
არაფერს ვნანობ და საკუთარი თავისთვის საყვედურის მიზეზებიც არ მაქვს. მომხდარს სრული სიმშვიდით ვეგებები, რადგან ვიცი – მაქსიმუმი გავიღე, როგორც ყოველთვის გპირდებით.
ყველაფერი მიზეზით ხდება. ეს მხოლოდ დასაწყისია. მადლობა ღმერთს ყველაფრისთვის, ყოველთვის”, – წერს ალექსანდრე თოფურია.



















