კახეთში 15 წლის გოგოს მიმართ შესაძლო გაუპატიურების საქმეზე 71 წლის მამაკაცი დააკავეს
დაკავებული ტაქსის მძღოლია. არსებული ინფორმაციით, გოგოსა და მამაკაცის ოჯახებს ერთმანეთთან ნათელ-მირონობა აკავშირებთ.
როგორც გამოცემას “მთავარი ამბები კახეთიდან” ადგილობრივებმა უთხრეს, კაცმა არასრულწლოვანი ტაქსით სოფლის სასაფლაოზე აიყვანა.
ადგილზე მონადირეები და კიდევ ერთი მამაკაცი იმყოფებოდა, რომელმაც მონადირეებს უთხრა, რომ ტაქსის მძღოლს მანქანაში ასაკით პატარა გოგო ჰყავდა.
ამის შემდეგ ჯგუფი მძღოლს დაედევნა. მამაკაცი მათ გაექცა და გოგო საკუთარ სოფელში დააბრუნა.
მომხდარის შესახებ მონადირეებმა სოფლის ახალგაზრდებს აცნობეს. რომლებმაც მამაკაცის ვინაობა და ავტომობილი სახელმწიფო სანომრე ნიშნით დაადგინეს.
ადგილობრივების ინფორმაციით, 15 წლის მოზარდის დედა უცხოეთში იმყოფება, პოლიციას სწორედ მისმა ნათესავებმა აცნობეს.
საქმეზე მოწმეები გამოკითხნენ. არასრულწლოვანს ექსპერტიზაც ჩაუტარდა, რომლის პასუხები მოგვიანებით გაირკვევა
.
სამართალდამცველებმა მამაკაცის კუთვნილი ავტომობილი ევაკუატორით გადაიყვანეს.
71 წლის ტაქსის მძღოლი კი დღეს დილით, გამთენიისას დააკავეს.
შსს-ს ინფორმაციით, გამოძიება სისხლის სამართლის კოდექსის 137-ე და 138-ე მუხლებით დაიწყო, რაც გულისხმობს გაუპატიურებას წინასწარი შეცნობით არასრულწლოვანის მიმართ და სექსუალური ხასიათის სხვაგვარ ქმედებას
წინასწარი შეცნობით, არასრულწლოვანის მიმართ.
