გადაცემა „მარტოობის 15 წუთში” სტუმრად იმყოფებოდა თეატრმცოდნე და ტელეწამყვანი ნიკოლოზ წულუკიძე.
მან გაიხსენა, როგორ გაამხნევა თავისი ცხოვრების ყველაზე რთულ პერიოდში კაცმა, რომელმაც ბათუმში კორპუსის ჩამონგრევისას მეუღლე და შვილები დაკარგა.
„ყოველთვის შეგიძლია ბედნიერება გაზომო შენზე უფრო ცუდ მდგომარეობაში მყოფი ადამიანებით – რომ, რა ქნას იმან. ბათუმში რომ კორპუსი ჩამოინგრა და მამა, რომელსაც მეუღლე და შვილები დაეღუპა, ჩემი ამბიდან რამდენიმე დღეში მირეკავს. რომ მითხრა, ვინ იყო და რომ გავაცნობიერე, ეს კაცი გასამხნევებლად მე მირეკავს, იცით, რამხელა ძალა იყო? რომ ცდილობ, ფეხზე დადგე, პირველი არის ამის გაცნობიერება – იმას, რომელსაც ასე უჭირს [უფრო], შეუძლია, ამ დროს შენზე იფიქროს და დაგირეკოს. იმ წუთში გამიჩნდა სურვილი – ახლა მე ვის უნდა დავეხმარო?“, – ამბობს ნიკოლოზ წულუკიძე.
