საქართველოსა და უკრაინის შეხვედრის შემდეგ, რომელიც ფრედ 1:1 დასრულდა, ყურადღება ჩეხეთისა და ალბანეთის მატჩზე გადავიტანეთ, რადგან მისი შედეგი საქართველოსთვის მნიშვნელოვანი იყო.
გაგვიმართლა, რომ თამაში ფრედ (0:0) დასრულდა – ვერც ერთმა ამ გუნდმა ვერ შეძლო 1 ქულაზე მეტის აღება და შესაბამისად, საქართველოსთვის ქულებით მნიშვნელოვნად გადასწრება.
ამ წუთისთვის, ჩეხეთი 8 ქულით პირველ ადგილზეა, საქართველო კი მეორე ადგილს იკავებს და ალბანეთთან ინაწილებს 7-7 ქულას. ხოლო ბოლო ადგილზეა უკრაინა, რომელმაც A დივიზიონში გადასვლის შანსის შენარჩუნება უკვე ძალიან გაუჭირდება.
რაც შეეხება საქართველოს ნაკრებს, ის ჯგუფში პირველობისთვის კვლავ იბრძვის და ამისთვის, 19 ნოემბერს აუცილებლად დაგვჭირდება ჩეხეთის დამარცხება.
ქართველმა ფეხბურთელებმა მომავალ მატჩს უკვე უწოდეს ფინალი. მართლაც, საქართველო მოედანზე მოსაგებად უნდა გავიდეს, თუ სურს, რომ მსოფლიო ჩემპიონატზე ერთა ლიგიდან გასვლა მოახერხოს.
