ბლოგერ დაურ ბუავას გარდაცვალების საქმეზე დაკავებული ქალი უკრაინის მოქალაქე ვალერია კირლიუკია.
ის წინასწარი დაკავების იზოლატორში იმყოფება და ბრალის ოფიციალურ წარდგენას ელოდება.
შსს მას განსაცდელში მიტოვებას ედავება.
,,23-ში იყო დაურთან ერთად. სხვა დამატებითი ინფორმაცია ამ ეტაპზე ამ გოგონასთან დაკავშირებით არ მაქვს – უკრაინის მოქალაქეა.
რაც შეეხება მის გარდაცვალებას და ეჭვებს, არსებობს ძალიან ბევრი კითხვა, რასაც გამოძიებამ უნდა გასცეს პასუხი და ასევე ჩვენც, ადვოკატები ვატარებთ დამოუკიდებელ გამოძიებას.
დღეს უნდა გამოვკითხოთ მისი მეზობლები და მისი მეგობარი გოგო…
მე როგორც მაქვს ინფორმაცია ერთ-ერთი მოწმისგან, გარდა სოციალური ქსელისა, დაურზე დაახლოებით 7-8 თვის უკან მოხდა ფიზიკური შეურაცხყოფაც მის საქმიანობასთან დაკავშირებით”, – ამბობს ,,ფორმულასთან” დაურ ბუავას საქმის ადვოკატი ნათია მეზვრიშვილი.
