გამოცემამ “მთავარი ამბები კახეთიდან“ ლაგოდეხის მუნიციპალიტეტის სოფელ უზუნთალაში დენის დარტყმის შედეგად დაღუპული მამაკაცის ვინაობა გაარკვია.
31 წლის იმრახ ქაზუმოვი კაბალის ადმინისტრაციულ ერთეულში შემავალი სოფელ ყარაჯალას მცხოვრები იყო. ახალგაზრდა კაცს სამი მცირეწლოვანი შვილი დარჩა.
უბედური შემთხვევა სოფელ უზუნთალაში გუშინ მოხდა. ქაზუმოვი ხელოსანი იყო, შემთხვევის დროს, ის ფარდულზე თუნუქს აფარებდა, რა დროსაც მაღალი ძაბვის ელექტროსადენებს შეეხო.
მომხდარზე გამოძიება სამუშაოს წარმოებისას უსაფრთხოების წესების დარღვევის ფაქტზე მიმდინარეობს, რამაც ადამიანის სიცოცხლის მოსპობა გამოიწვია.




















