ყვარელში მომხდარი ავტოსაგზაო შემთხვევის შედეგად დაღუპული 52 წლის ინგა ყაველაშვილია – ინფორმაციას ,,მთავარი ამბები კახეთიდან” ავრცელებს.
დაღუპული წარმოშობით ლაგოდეხის მუნიციპალიტეტის სოფელ აფენიდანაა და ყვარლის პოლიციაში მუშაობდა.
არსებული ცნობით, სატვირთო ავტომობილმა მართვა დაკარგა, მოცურდა და შეეჯახა მსუბუქ ავტომობილს, რომელითაც პოლიციელი გადაადგილდებოდა.
ქალი მიღებული დაზიანებების შედეგად, შემთხვევის ადგილზევე გარდაიცვალა.
შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს.
