ყვარლის მუნიციპალიტეტის სოფელ შილდაში ავტოსაგზაო შემთხვევის შედეგად დაღუპული ქალი, 65 წლის ელზა ასაბაშვილია.
შემთხვევა დღეს დილით, სოფლის ცენტრალურ გზაზე მოხდა. ადგილობრივების ინფორმაციით, ქალი სამსახურში მიდიოდა, რა დროსაც მსუბუქი ავტომობილი დაეჯახა. ის შემთხვევის ადგილზე დაიღუპა.
ასაბაშვილი ქსელურ სუპერმარკეტ „გვირილაში“ მუშაობდა.
„- ზეგ, 13 ნოემბერს უსრულდებოდა 65 წელი, დაბადების დღე ჰქონდა. იყო უაღრესად წესიერი ადამიანი. დილით, ადრე სამსახურში მიდიოდა. მის სახლთან ახლოსაა ის ადგილი, სადაც ავარია მოხდა. გზაზე გამოსულს დაეჯახა მანქანა, მძღოლიც ადგილობრივია. დავინახე, პოლიცია რომ მოვიდა. საშინელი ამბავია მოხდა”, – ამბობს ადგილობრივი, გამოცემასთან “მთავარი ამბები კახეთიდან”.
შემთხვევის ადგილზე მობილიზებული იყვნენ სამართალდამცველები, ცხედარი ექსპერტიზის ეროვნულ ბიუროში გადაასვენეს.
