მამუკა ჯუღელი ხვიჩა კვარაცხელიას აგენტი აღარ არის – ამის შესახებ ქართველი ფეხბურთელის მამამ, ბადრი კვარაცხელიამ ,,კვირის პალიტრას” განუცხადა.
,,ეს გადაწყვეტილება ორივე ოჯახმა ერთად, ურთიერთშეთანხმების საფუძველზე მივიღეთ. ხვიჩაც აქ იყო და ერთობლივად გადავწყვიტეთ, თანამშრომლობა დაგვესრულებინა.
მამუკა ჯუღელს, როგორც აგენტს, ხვიჩას კარიერულ წინსვლაში, ძალიან მნიშვნელოვანი როლი აქვს. მამუკას მადლობა ვუთხარით ყველაფრისთვის, რაც წლების განმავლობაში ხვიჩასთვის გააკეთა, ერთმანეთს წარმატება ვუსურვეთ და დავემშვიდობეთ”.
,,ამ ეტაპზე, ხვიჩას აგენტი არ ჰყავს. შემოთავაზებები არის, ბევრს აქვს თანამშრომლობის სურვილი და ცხადია, სწორედ ხვიჩა და მისი ოჯახის წევრები გადავწყვეტთ, ვისთან ერთად გააგრძელებს მუშაობას”, -ამბობს ბადრი კვარაცხელია.
