15 წლის მოზარდი, რომელსაც რამდენიმე დღის განმავლობაში ეძებდნენ, გარდაცვლილი იპოვეს. შემთხვევა ადიგენის მუნიციპალიტეტში, სოფელ უდეში მოხდა. ინფორმაცია AMBEBI.GE-ს შინაგან საქმეთა სამინისტროში დაუდასტურეს.
არსებული ინფორმაციით, 15 წლის თორნიკეს ცხედარი მაშველებმა მდინარეში ნახეს.
ბიჭის დედა რამდენიმე დღის წინ ამბობდა, რომ შვილი სახლიდან გაიპარა, მოზარდს მეტყველება უჭირდა და საზოგადოებას დახმარებას სთხოვდა.
- მოზარდის ცხედარი ექსპერტიზაზეა გადასვენებული.
მოზარდის სამძებრო სამუშაოებში პოლიცია და სამაშველო ჯგუფი იყო ჩართული.
