ქორეოგრაფი თეა დარჩია საზოგადოებას ბოდიშს უხდის და ამბობს, რომ მის მიერ გაკეთებულ განცხადებაში, რომელიც მან ახალი წლის ღამეს რუსთაველის გამზირზე გააკეთა, საგალობელი და ფოლკლორი არ უგულისხმია.
„უმძიმესი ემოციური ფონია ჩვენს ქვეყანაში და ამიტომაც ადამიანურად გვეშლება ბევრი რამ, ეს არ უნდა გახდეს ისეთი არაადამიანური შეურაცხყოფის მიზეზი, რაც ჩემი მისამართით მოდის.
ყველამ კარგად იცის და ხვდება, რომ წამითაც არ შეურაცხყოფ არც ფოლკლორს და არც ტრადიციას, არც სიმღერას და არც ცეკვას. მაგრამ საქმე იმაშია, რომ მიზეზს ვიძლევი და თან ხშირად აგრესიის ჩემზე გადმოსატანად. დაე იყოს ასე!
მე ვიქნები ის ვიზეც დახარჯავთ ყველა უარყოფით და სიძულვილით სავსე ემოციებს და გრძნობებს. მიჩვეული ვარ. ახალ წელს გილოცავთ. დეტოქსი ჩატარებულია. გაუმარჯოს სუფთა საქართველოს. ამინ“, – წერს სოციალურ ქსელში თეა დარჩია.
დარჩია 28 დეკემბერს ქვეყნის მასშტაბით დაგეგმილ აქციას სახელწოდებით „ერთობის ჯაჭვი“ გამოეხმაურა.
აღნიშნულით დარჩია გამოეხმაურა მისი 31 დეკემბრის ღამეს ტელეკომპანია „მთავართან“ გაკეთებულ განაცხადებას, რომლის თანახმადაც მან ჟურნალისტს უთხრა:
„ასე არ გამხარებია ახალი წელი არასოდეს. ყოველთვის ვაპროტესტებდი, რომ სუფრასთან ვმჯდარიყავი და მესმინა ქართველების კნავილისთვის. აი, სიმღერები რაც საუკუნეები, წლები ვისმენთ, მოკლედ, არ მომწონდა ეს მდგომარეობა“.
ინფორმაციისთვის, მას შემდეგ, რაც სოციალურ ქსელში დარჩიას კომენტარი ვირუსულად გავრცელდა და კრიტიკა გამოიწვია, მოცეკვავეს ახსნა-განმარტების გაკეთება მოუწია.
