ჟურნალისტი მაია ასათიანი სოციალური ქსელის გამომწერების კითხვებს პასუხობს. „ინსტაგრამ“ გამომწერის კითხვაზე „როდის ბრუნდება პროფილი“ მაია ასათიანი აცხადებს, რომ პროფილი აღარასდროს დაბრუნდება.
ტელეწამყვანი ასევე ამბობს, რომ ტელეეთერში აუცილებლად დაბრუნდება, ოღონდ სხვა ფორმატის გადაცემას გააკეთებს.
„ამ კითხვას მისვამენ ყველაზე ხშირად. „პროფილი“ მეგობრებო აღარასდროს არ დაბრუნდება, რადგან ჩემი აზრით, ამ ფორმატმა დრო მოჭამა. ასეთ პროექტებს მაყურებელი აკლდება და აკლდება და სოციალური ქსელების პირობებში, ასეთი ფორმატის გადაცემები ადრე თუ გვიან უნდა დამთავრდნენ…
რაც შემეხება მე, ზუსტად ვიცი როგორ დავბრუნდები, რა ფორმატის გადაცემას გავაკეთებ, რაზე გავამახვილებ ყურადღებას… ისიც კი ვიცი, როგორ მივესალმები და როგორ დავემშვიდობები“, – აცხადებს მაია ასათიანი.
