უკვე რამდენიმე დღეა, საქართველოში ამინდი გაუარესდა. ზოგიერთ რეგიონში თოვლიც მოვიდა, რამაც დაბლობშიც დაბალი ტემპერატურა განაპირობა. როგორი ამინდი იქნება საქართველოში გარემოს ეროვნული სააგენტოს ჰიდრომეტეოროლოგიის დეპარტამენტის, ამინდის გრძელვადიანი პროგნოზების განყოფილების უფროსი სპეციალისტი თამარ პაპაშვილი გაგვაცნობს…
– დიახ, გაზაფხულზე ასეთი ამინდი ნაკლებად სასიამოვნოა, თუმცა არც ის დაგვავიწყდეს, რომ მაისი აღმოსავლეთ საქართველოსთვის ერთ-ერთი ყველაზე ნალექიანი თვეა. შედარებით ცივი და ნოტიო ჰაერის მასების გავრცელებამ გამოიწვია ჰაერის ტემპერატურის დაკლება, წვიმა, მაღალმთიან რაიონებში კი ზოგან თოვლი.
– როდიდან გამოიდარებს საქართველოში?
-16 და 17 მაისს საქართველოში თბილი და უმეტესად უნალექო ამინდია მოსალოდნელი. დასავლეთ საქართველოში 17 მაისს ტემპერატურა +33 გრადუსს მიაღწევს, აღმოსავლეთში კი +30 გრადუსს. 19-ში კვლავ წვიმიანი დღე გველის, ხოლო შემდეგ დღეებში ისევ გამოიდარებს.
– მაღალმთიან რეგიონში თოვლი ისევ არის მოსალოდნელი?
– თოვლი მაღალმთიან რაიონებში მოსალოდნელია 16 მაისს ღამისა და დილის საათებში. შემდეგ დღეებში აქაც გამოიდარებს.
– აღმოსავლეთ საქართველოში, თბილისში როგორი ამინდებია მოსალოდნელი?
– დღეს თბილისში წვიმაა, ხვალიდან კი მზე გამოანათებს და დათბება, 19-ში კვლავ წვიმაა მოსალოდნელი, შემდეგ დღეებში კი გამოიდარებს.
