თაზო მთივლიშვილის მკვლელობის საქმეზე, ანაშაულის შეუტყობინებლობის ბრალდებით დაკავებულმა ახალგაზრდა ქალმა, ვერონიკა კაპანაძემ სასამართლოს დეტალურად უამბო ის მძიმე ეპიზოდები, რომლებიც, მისი თქმით, მკვლელობამდე რამდენიმე საათით ადრე ვითარდებოდა.
კაპანაძე თავის ჩვენებაში ამბობს, რომ ბრალდებული გიორგი პაპაშვილი თაზო მთივლიშვილზე საათების განმავლობაში ძალადობდა.
ახალგაზრდა ქალის თქმით, პაპაშვილმა სამზარეულოს საჭრელი დაფა დაზარალებულს თავში რამდენჯერმე ჩაარტყა იმდენად ძლიერად, რომ დაფა სამ ნაწილად დაიმტვრა.
მისი თქმით, 22 წლის მეშაურმე პერიოდულად სააბაზანოში შეჰყავდათ, გონს მოჰყავდათ და მისი მდგომარეობის გაუმჯობესების შემდეგ, ფიზიკური ანგარიშსწორება კვლავ გრძელდებოდა.
ქალის თქმით, მკვლელობის შემდეგ გიორგი პაპაშვილი ცხედრის დანაწევრებას გეგმავდა და მას ამ პროცესში თანამონაწილეობასაც აიძულებდა.
გამოძიების ვერსიით, ვერონიკა კაპანაძე პირადად შეესწრო თაზო მთივლიშვილის წამებისა და მკვლელობის ფაქტებს, თუმცა სამართალდამცველებისთვის არ მიუმართავს და არც სასწრაფო დახმარება გამოუძახებია.
