საქართველოდან რუსეთში მიმავალი ავტობუსი რამდენიმე დღის წინ ავარიაში მოყვა. ავარიას ჯამში 6 ადამიანის სიცოცხლე ემსხვერპლა. დაღუპულთა შორის არიან ავტობუსის მძღოლები აკაკი ტოფაძე და თემურ ბანცაძე. ასევე, 45 წლის ვალერი მაჭავარიანი, 4 შვილის მამა გელა ბულესკერია, კიდევ ორი დაღუპულის ვინაობა კი უცნობია.
როგორც ,,რადიო თავისუფლებას” ავტობუსში მყოფი ერთ-ერთი ოჯახის ნათესავი უყვება, ვალერი მაჭავარიანი ცოლთან და სამ შვილთან ერთად მოსკოვში ბრუნდებოდა საქართველოში დასვენების შემდეგ.
არსებული ცნობით, მის 6 წლის შვილს ორივე ფეხის ამპუტაცია ჩაუტარეს, შუათანა შვილი კომაშია, უფროსი შვილის მდგომარეობა კი შედარებით მსუბუქია და მის სიცოცხლეს საფრთხე არ ემუქრება, რაც შეეხება დაღუპულის მეუღლეს, ქალი მრავლობითი მოტეხილობებითა და სხვა დაზიანებებით კრიტიკულ მდგომარეობაში, რეანიმაციაში იმყოფება.
