ემპოლის მცველმა საბა საზონოვმა ვარჯიშზე სერიოზული ტრავმა მიიღო და დიდი ალბათობით, მიმდინარე სეზონზე ვეღარ ითამაშოს.
როგორც ემპოლის განცხადებაშია აღნიშნული, ქართველ მცველს მუხლის წინა ჯვარედინი მყესების დაზიანება აღენიშნება.
ემპოლის განცხადებაში არაფერია აღნიშნული იმის შესახებ, თუ რამდენ ხანს ვერ შეძლებს თამაშს საბა, თუმცა როგორც წესი, ასეთი ტრავმები ძალიან მძიმეა.
საზონოვს მკურნალობის მეთოდს სპეციალისტები შეფასების გაკეთების შემდეგ დაუდგენენ.
იტალიური მედიის ცნობით, დიდი ალბათობით 22 წლის მცველისთვის მიმდინარე სეზონი პრაქტიკულად დასრულებულია, რადგან მსგავსი დაზიანების შემდეგ, გამოსაჯანმრთელებლად 7-9 თვეა საჭირო.
შეგახსენებთ, რომ საბა საზონოვი ემპოლის ცოტა ხნის წინ ტორინოდან იჯარით შეუერთდა და ჯერ ტოსკანურ კლუბში ჯერ დებიუტიც არ ჰქონია.
