„ამას პირველად ვყვები…ისე ვინერვიულე, რომ ოთხი თვის ორსულმა ბავშვი დავკარგე…” – რატომ არ ელაპარაკებოდა გოგი დოლიძე ირმა სოხაძეს და რა ინტრიგების ობიექტი გახდარა მუსიკოსი?

ირმა სოხაძემ ახალ ინტერვიუში თავისი ცხოვრების მძიმე ისტორიები გაიხსენა.

„მე ინტრიგების მოწმეც ვყოფილვარ და ობიექტიც. შოუბიზნესში ბევრი ინტრიგა იყო. ისეთი გულდაწყვეტები მქონია, შეიძლება დღემეგც მაქს. რომ ვიცი, რომ რაღაც კონცერტში აუცილებლად უნდა ვყოფილიყავი და უცებ ან მერიაში დაგბლოკავს ვინმე, ან ადრე ცეკაში დაგბლოკავდა. ეს გრძელდება და არ მთავრდება. სახელი და გვარები ვიცი, ყველასი.

ის კი არა, ერთი წელი ცხონებული ჩემი გოგი დოლიძე არ მელაპარაკებოდა. იმასაც ინტრიგნულად მიუტანეს ხმა და ჭორი – ირმამ ამოგიღო კონცერტიდანო. უცებ აღარ მესალმება გოგი, რა მოგივიდა მეთქი და არაფერიო, გარჩევა არ დამიწყო. ბოლოს კი გამირჩია, კიდე კარგი რომ შევრიგდით, მოვასწარით“, – ამბობს მომღერალი.

კითხვაზე – იყო, რომ მზა პროექტი დაებლოკათ? ირმა სოხაძემ უპასუხა.

„როგორ არა. იცი როგორი შოკი მივიღე? ნატამდე, რომ გადავწვიტე ბავშვის გაჩენა აი ამაში შემეშალა ხელი საშინლად და მოვხვდი საავადმყოფოში, რადგან პირველი ჩემი მიუზიკლი „ზღაპარქალაქი“ უნდა დამედგა და უცებ შევიდნენ ნუგზა ფოფხაძესთან რომ რა არისო, ეს ირმა სოხაძე ჩარლი ჩაპლინიაო? – მუსიკაც მისია, ლექსიც მისია, დიალოგებიც მისია… რას ნიშნავსო ესო და არ ვიცი რატომ, მაგრამ ბატონმა ნუგზარმა გადაწყვიტა, რომ ჩარლი ჩაპლინი არ ვიყავი და არ ჩამაწერინა.  ამას პირველად ვყვები… ისეთი შოკი მივიღე, მოვედი სახლში, გავხდი ძალიან ცუდად. 3 თვე ვიწექი საავადმყოფოში და ნერვიულობისგან დავკარგე ოთხთვენახევრის ბავშვი“, – ამბობს მუსიკოსი.