დღეს, 5 მაისს, ახალციხეში მდებარე კერძო ბაგა–ბაღში მცირეწლოვანი გარდაიცვალა. შემთხვევის ადგილზე ექსპერტ–კრიმინალისტები მუშაობენ.
როგორც ადგილზე გვითხრეს, მცირეწლოვანი პროზექტურაშია გადაყვანილი.
ლევან სამხარაულის სახელობის სასამართლო ექსპერტიზის ახალციხის ბიუროს ექსპერტის, დავით მერაბიშვილის განმარტებით, ბავშვი 2 წლისაა.
რა გახდა მისი გარდაცვალების მიზეზი, ამ ეტაპზე უცნობია. ერთ–ერთი ვერსიით, როდესაც ბავშვს ეძინა, მის სანახავად მისულ აღმზრდელს, ის უკვე გარდაცვლილი დახვდა.
წყარო: სამხრეთის კარიბჭე
