საქართველოს რკინიგზამ ახლახან ინფორმაცია გაავრცელა აშურის რკინიგზის მემანქანის გარდაცვალებასთან დაკავშირებით.
„27 მარტს, კომპანიის ინფრასტრუქტურის ფილიალის სალიანდაგო სამმართველოს, ბორჯომის რეგიონის, სახელოსნოს დრეზინის მძღოლი, ზვიად დევაძე თანაშემწესთან ერთად, სამსახურებრივი მოვალეობის შესრულების მიზნით, იმყოფებოდა ხაშურის სალიანდაგო სამმართველოს ტერიტორიაზე. მოწოდებული ინფორმაციის თანახმად, ზვიად დევაძემ დაასრულა კონკრეტული სამუშაოები და ემზადებოდა ძირითად სამუშაო ადგილას – ბორჯომის რეგიონში დასაბრუნებლად, რა დროსაც იგი გახდა შეუძლოდ და დაკარგა გონება. საქართველოს რკინიგზის თანამშრომლებმა მოახდინეს მყისიერი რეაგირება, გამოიძახეს სამედიცინო პერსონალი და აცნობეს სამართალდამცავ ორგანოებს. საქართველოს რკინიგზა თანაგრძნობას უცხადებს გარდაცვლილის ოჯახს“, – ნათქვამია ინფორმაციაში.
ცნობისთვის, 9 მარტის ეზოთერიკოსმა გოგა მანიამ იწინასწარმეტყველა, რომ მატარებლის მემანქანე შესაძლოა შეუძლოდ გამხდარიყო და გარდაცვლილიყო.
„ეს შეიძლება ტაქსის მძღოლი იყოს, სამარშრუტო დიდი ტაქსის თუ მატარებლის – შეტევას გადაიტანს საჭესთან ადამიანი და შესაძლოა გარდაცვალებასთან გვქონდეს საქმე“, – ამბობდა მაშინ გოგა მანია.
შეგახსენებთ, ცოტა ხნის წინ, ასევე ახდა გოგა მანიას კიდევ ორი წინასწარმეტყველება!
იანვრის ბოლოს, მან დაწერა: „ვხედავ მანქანას მტკვარში! პატარებს ნუ დაისვამთ წინ!“.
4 მარტს კი, თბილისში ავტომობილი წყალში გადავარდა და მძღოლი დაიღუპა.
ხოლო 9 მარტს, მან
შემდეგი შინაარსის წინასწარმეტყველება გამოაქვეყნა – „ბიზნესმენის გარდაცვალება – მას დახვდებიან აუცილებლად და პირდაპირ მისი გარდაცვალება მიდგას თვალწინ“.
14 მარტს კი ვაკეში, სახლთან დახვდნენ კანონიერი ქურდის, მერაბ ჯანგველაძის ძმას, რომელიც რუსეთსა და ევროპის ქვეყნებში არაერთ ბიზნესს ფლობდა.
