ავთანდილ ბოდოკიას ოჯახო სოციალურ ქსელში ინფორმაციას ავრცელებს, რომლის თანახმად, 48 წლის მამაკაცი, ქუთაისთან ახლოს, ვარციხის ჰესში, 10 მეტრის სიღრმის წყალში გადავარდა, შემთხვევიდან 3 საათში, ჰესის ტერიტორია ფსკერამდე დააშრეს, თუმცა ცხედარი არსად აღმოჩნდა.
ოჯახი და ახლობლები ცხედრის ძებნას დამოუკიდებლადაც განაგრძობენ. ისინი საზოგადოებას დახმარებას სთხოვენ და ამბობენ, რომ მას, ვინც ცხედარს იპოვის, ოჯახი მადლობის ნიშნად 10 000 ლარს გადასცემს.
მზიან, მაგრამ თოვლიან და სუსხიან დილას, ღიმილნარევი სახით სახლიდან გავიდა და მალე მოვალო, მითხრა. როცა სახლში მოსვლა დააგვიანდა, მოსვენება დავკარგე, ყოველი გასული წუთი საუკუნოდ მეჩვენებოდა, ფიქრებში ვიმეორებდი, კარგად არის, ალბათ სადმე შეიარათქო. სახლებიდან მეზობლების მანქანებით სწრაფად გასვლამ და გზად ჩაქროლილმა პოლიციის მანქანებმა შფოთვა უფრო გამიმწვავა.
მალევე გვითხრეს, მანქანა ვნახეთ… ათული შიგ არ ზის, თოვლის ნაკვალევი მდინარესთან, მოაჯირზე ადის და იქ წყდებაო.
ერთ თვეზე მეტია ყოველდღე ველოდები, ველოდები ისევ დიდი სიყვარულით, სულ სხვანაირი მონატრებით, ისეთი მონატრებით, რომ ლამის გულმა შეწყვიტოს ფეთქვა.დავკარგე საუკეთესო მეუღლე, მეგობარი, კარგი შვილების მამა”, – ამბობს ავთანდილ ბოდოკიას მეუღლე.
