გუშინ, ჭავჭავაძის გამზირზე გაჩენილი ხანძრის სალიკვიდაციო სამუშაობის შესრულებისას ტრაგიკულად დაღუპული მეხანძრე-მაშველი გიორგი ლელაშვილია. როგორც ცნობილია, ხანძრის ადგილას კედელი ჩამოინგრა და ის ნანგრევებში მოიყოლა.
წლების წინ, ის, „ბავშვთა სამყაროში“ ხანძრის ქრობის პროცესში მონაწილეობდა.
„ბავშვთა სამყაროში“ ხანძრის ქრობის პროცესი ურთულესი ამოცანა იყო. გადავაადგილდებოდით შენობაში, რომლის კონსტრუქციაც ყოველ წუთს შეიძლება ჩამონგრეულიყო.
ერთ-ერთ ინტერვიუში, ის საკუთარ საქმიანობასთან დაკავშირებით ამბობდა:
„ხანძრის ქრობის პროცესში ემოციებს სრულად აკონტროლებ და როცა უკვე გარეთ გამოხვალ, ყველა ემოცია გონებაში ერთად იყრის თავს.
ზოგჯერ ფიქრობ, რომ იქ, სადაც შეხვედი, კედლის ჩამონგრევის, გაგუდვის დიდი რისკი იყო, თუმცა ქრობის პროცესში ამაზე არ გიფიქრია.
ვხვდები, რომ კარგ საქმეს ვაკეთებ და ეს, სამომავლოდ დიდ სტიმულს მაძლევს“.
