მეცნიერების თქმით, დედამიწას უახლოეს მომავალში შესაძლოა, ასტეროიდი სახელად 2024 YR4 დაეჯახოს. ამჟამინდელი პროგნოზით, ასტეროიდი დედამიწისკენ სვლას 2028 წლის ბოლოს დაიწყებს. მეცნიერებმა მისი ორბიტის გამოთვლა და შესაძლო ტრაექტორიის პროგნოზირება შეძლეს.
მკვლევრები ამბობენ, რომ დედამიწასთან შეჯახების სავარაუდო თარიღი 2032 წლის 22 დეკემბერია.
ასტრონომები თვლიან, რომ ასტეროიდი დაახლოებით 40-დან 100 მეტრის სიგანისაა. კოსმოსის მკვლევარი ბილ ჰარვუდი ამბობს, რომ თუკი ის დედამიწის მჭიდროდ დასახლებულ ადგილას დაეცემა, ეს ნამდვილი კატასტროფა იქნება.
აფეთქებისას ის 8-დან 15 მეგა ტონამდე ტროტილს გამოიმუშავებს, რაც 500-ჯერ აღემატება ჰიროსიმაში ჩამოგდებულ ატომურ ბომბს, რომელსაც დაახლოებით 140 000 ადამიანის სიცოცხლე ემსხვერპლა. მეცნიერთა ვარაუდით, დარტყმა შესაძლოა ტუნგუსკას ასტეროიდის მსგავსი იყოს, რომელიც 1908 წელს ციმბირის ტყეში ჩამოვარდა – ტალღამ 2000 ჰექტარი ტყის მასივი გაანადგურა.
2024 YR4-ის ზუსტი ზომა უცნობი რჩება. მისი სიკაშკაშის საფუძველზე, წინასწარი მონაცემებით, ამ ასტეროიდის დიამეტრი 40-დან 100 მეტრამდეა.
“თეორიულად, სიჩქარით მოძრავი ამ ზომის ობიექტის დარტყმამ შეიძლება გაანადგუროს დარტყმის მიმდებარე ტერიტორია რამდენიმე ათეულ კილომეტრამდე.” – ამბობს ედვარდ ბლუმერი, გრინვიჩის სამეფო ობსერვატორიის უფროსი ასტრონომი.
2024 YR4-ს აქვს პოტენციალი, რომ პატარა ქალაქი წაშალოს რუკიდან. მჭიდროდ დასახლებულ ქალაქებში კი დიდ მსხვერპლს გამოიწვევს. მაგალითად: ნიუ-იორკი ამერიკის ყველაზე მჭიდროდ დასახლებული ქალაქია, თუ 2024 YR4 ქალაქის ცენტრს მოხვდება, თითქმის ყველა შენობა განადგურდება.
