გერმანიაში ქართველი ემიგრანტი ლაშა ცენტერაძე გარდაიცვალა. სამწუხარო ინფორმაციას სოციალურ ქსელში ემიგრანტთა იმედი – შოთო სიხარულიძე ავრცელებს და ოჯახის წევრებს თანაუგრძნობს:
„გარდაიცვალა გერმანიაში ახალგაზრდა ლაშა ცენტერაძე. გლოვობს ჩემი ჩოხატაური. უფალმა დაგიმკვიდროს მარადიული სასუფეველი. სადაც მართალნი განისვენებენ… მწარეა ის დიდი ტკივილი, რასაც უშენობა ჰქვია.. როგორი თბილი იყავი, ღიმილით ბედნიერებით და სიყვარულით სავსე, ყველას უნაწილებდი ღიმილებს. ვუსამძიმრებ, უპირველეს ყოვლისა, ოჯახს, მეგობრებს და ნათესავებს, ვერაფერს გეტყვით იმ უდიდესი ტკივილის შესამსუბუქებლად, რომელსაც ახლა განიცდით. უბრალოდ, მინდა, იცოდეთ, რომ მე შოთო სიხარულიძე ამ უმძიმეს წუთებში, მე თქვენს გვერდით ვარ. გამძლეობა და სულის სიმტკიცე.. ტკივილი, რომელსაც არც სახელი აქვს, არც საწყისი და არც დასასრული, ტკივილი, რომელიც მიწიდან იწყება და ზეცას უერთდება. ვზივარ თავზარდაცემული გაყინული იმ ტკივილს განვიცდი… მძულდა ეს სამყარო და კიდევ უფრო გამძულდა… სად მიდიან ეს სიცოცხლით გაუმაძღარი ახალგაზრდები, ეს ანგელოზები ალბათ იქ, სადაც არ არსებობს დრო, იქ, სადაც მარადიული სიცოცხლეა, იქ სადაც ბევრი ჩვენიანია… გულში ჩაგიკრავენ, მოგიშუშებენ შენს ნაიარევს… დედამიწაზე ამ ნაიარევს არცერთი წამალი არ შველის… ტკბილად იძინე… ნეტავ სულ არ გათენებულიყო, თუ ღირდა საერთოდ ამად ეს გათენება?! ნუთუ ამის გასაგებად უნდა ამოსულიყო მზე?“, – წერს შოთო სიხარულიძე.
