აშშ-მექსიკის საზღვართან ახლოს, დაახლოებით 400 ცხედრის აღმოჩენის შემდეგ, ორი ადამიანი დააკავეს.
ოფიციალური პირების თქმით, ადგილი „მიტოვებული“ იყო. ცხედრები საწყობის ტერიტორიაზე ერთმანეთზე დაწყობილი იპოვეს.
თავდაპირველად გავრცელდა ინფორმაცია, რომ საწყობის გამოძიების მიმდინარეობისას 383 ცხედარი და ექვსი ნაწილობრივი ნეშტი იპოვეს.
სასამართლო ექსპერტიზის წარმომადგენლების ცნობით, აღმოჩენილი ცხედრებიდან 218 მამაკაცია, 149 ქალი, ხოლო 16-ის ვინაობა ამჟამად უცნობია.
მიმდინარე გამოძიების თანახმად, აღმოჩნდა, რომ ადგილზე კრემატორიუმი იყო, რომელიც კრემაციის მომსახურებას ექვს ან შვიდ ადგილობრივ სამგლოვიარო ბიუროს უწევდა. ცხედრები „კრემატორიუმში არაწესიერად იყო მოთავსებული და მათ არ ჩატარებიათ კრემაცია“.
როგორც ცნობილია, ყველა ცხედარი ბალზამირებული იყო, თუმცა კრემაცია არ მომხდარა. პოლიცია ვარაუდობს, რომ ზოგიერთი ცხედარი შესაძლოა იქ ორ წლამდე ინახებოდა.
ზოგიერთ ცხედარს ასევე ჰქონდა საავადმყოფოდან მიცემული ნიშნები, რომლებზეც მათი სახელი და სოციალური დაზღვევის ნომრები იყო მითითებული.
ცხედრების აღმოჩენის შემდეგ დააკავეს კრემატორიუმის მფლობელი და თანამშრომელი. ისინი ამჟამად წინასწარი პატიმრობის იზოლატორში იმყოფებიან 4 ივლისს დაგეგმილ მოსმენამდე.
