საქართველოს ეროვნული ნაკრების მთავარი მწვრთნელის, ვილი სანიოლის განცხადებით, ესმის, რომ იმ ფეხბურთელებისთვის, რომლებიც მოედანზე ნაკლებ სათამაშო დროს იღებენ, მისი გადაწყვეტილებები შეიძლება გულდასაწყვეტი იყოს.
თუმცა, მან ის ფეხბურთელები გამოარჩია, რომლებიც მისი აზრით, ყველაზე კარგ ფორმაში არიან, ანაც დიდ პროგრესს განიცდიან.
,,ძალიან მომეწონა მოედანზე შესული ფეხბურთელები.
მიქაუტაძე ახლა თავის საუკეთესო ფორმაშია, მაგრამ ის ჯერ კიდევ ახალგაზრდაა და ვფიქრობ, უფრო მაგარიც გახდება. ვიმედოვნებ, რომ უკეთესი სეზონები ექნება და თუ თავის კლუბში ასე თამაშს გააგრძელებს, მაშინ ის მსოფლიოში ერთ-ერთი საუკეთესო იქნება. გოგლიჩიძე ძალიან მომეწონა, მაგრამ მასთან ერთად, ლოჩოშვილმაც პირველ მატჩში კარგად ითამაშა.
რაც შეეხება ბუდუს, ის ნაკრებს კარგად ეწყობა, მაგრამ მიქაუტაძე ისეთ ფორმაშია, მისი სათადარიგოზე დატოვება შეუძლებელი იყო. მესმის, შეიძლება ჩემი გადაწყვეტილებები იმ ფეხბურთელებისთვის, რომლებსაც ნაკრებში დიდი სათამაშო დრო არ ეძლევა, გულდასაწყვეტი იყოს, მაგრამ ვეტყვი, რომ თავიანთ კლუბებში ფორმა შეინარჩუნონ და შანსს აუცილებლად მიიღებენ”, – თქვა დანიოლმა.
