მუსიკალური პროდიუსერის, შონ “დიდი” კომბსის წინააღმდეგ მანჰეტენზე ფედერალური სასამართლო პროცესი მიმდინარეობს. სექსუალური ტრეფიკინგის ბრალდებების პარალელურად, სასამართლოზე წარმოდგენილი იქნა შოკისმომგვრელი ფოტოები, რომლებიც სავარაუდოდ, “დიდის” დანაშაულებს კიდევ უფრო მეტად ჰფენს ნათელს.
19 მაისს, სასამართლო პროცესი ფოკუსირდა 2024 წლის სექტემბერზე – დღეზე, როდესაც “დიდი” ნიუ-იორკის სასტუმროს ნომერში დააკავეს.
იმ დროისთვის “დიდის” უკვე ჰქონდა წარდგენილი ბრალდება და ერთ კვირაზე მეტი ხნის განმავლობაში, მიდთაუნ მანჰეტენზე, სასტუმრო Park Hyatt-ის ნომერში იმალებოდა.
პროკურორების თქმით, გარდაუვალ დაკავებამდე, სახელგატეხილი რეპერი ერთი უკანასკნელი “გიჟური” გართობის მოწყობას აპირებდა, და როდესაც ოფიცრები მის ოთახში შევიდნენ, მათ უამრავი საბავშვო ზეთი და ნარკოტიკი აღმოაჩინეს, რაც სექსუალური მარათონებისთვის იყო განკუთვნილი.
ცოტა ხნის წინ საზოგადოებამ იხილა შოკისმომგვრელი ტექსტური შეტყობინებები, რომელშიც კეისი ვენტურა ამბობდა, რომ მას ასეთი გართობები “უყვარდა”.
სხვა სენსაციური სურათები სასამართლო პროცესიდან მოიცავდა დაზიანებებს, რომლებიც კეისის თქმით, მათი ურთიერთობის დროს მიიღო. სასამართლოზე ასევე გამოჩნდა ინტიმური სურათები წყვილის პირველი სექსუალური კონტაქტიდან, რომელიც ექსტაზის ზემოქმედების ქვეშ, კეისის 21-ე დაბადების დღის შემდეგ მოხდა.
დაკავება სასტუმროს ნომერში
“დიდის” სასტუმროს ოთახში გადაღებულ სურათებზე ჩანს საბავშვო ზეთები, – ეს პროდუქტი ახლა განუყოფლად უკავშირდება სექსუალური ტრეფიკინგის საქმეს – რომელიც იდუმალ ვარდისფერ ფხვნილთან ახლოს, პატარა პაკეტებში აწყვია.
განწყობის შემქმნელ განათებასთან და ფულის შეკვრებთან ერთად, იქვე იყო ბოთლებში მოთავსებული აბები, რომლებიც გამოწერილი იყო “ფრენკ ბლექისთვის” (კომბსის სავარაუდო ფსევდონიმი).
კომბსის ყოფილმა შეყვარებულმა, კეისიმ დაადასტურა, რომ აღნიშნულ წვეულებებში, რომლებიც “Freak-Offs”-ის სახელწოდებითაა ცნობილი, კიდევ ერთი გავრცელებული თემა “მძაფრი” სანთლები იყო.
-
მოგზაურობა, რომელმაც ყველაფერი შეცვალა
ვენტურამ სასამართლოს უთხრა, რომ თითქმის 20 წლის წინ, როდესაც ის პირველად შეხვდა კომბსს, მათი ურთიერთობა ქალის მუსიკალური კარიერის დასახმარებლად, მხოლოდ პლატონური მენტორობით შემოიფარგლებოდა.
მაგრამ, მისივე თქმით, ყველაფერი მალევე შეიცვალა მას შემდეგ, რაც მას 21 წელი შეუსრულდა – წყვილმა მაიამიში იმოგზაურა და ექსტაზის ზემოქმედების ქვეშ, პირველად დაკავდა სექსით, რის შემდეგაც მათი ურთიერთობა გამძაფრდა.
-
“Freak-Off”-ების კულისები
კეისიმ გაამჟღავნა ინტიმური დეტალები იმის შესახებ, თუ რამდენად პედანტური იყო “დიდი” თავისი “Freak-Offs” სესიებთან დაკავშირებით, როდესაც პროკურორებმა ამ ღონისძიებებისთვის მზადებისას კულისებში გადაღებული სურათები აჩვენეს.
ერთ სურათზე კეისი გრძელი, ბარძაყამდე ჩექმით ჩანს. მისი თქმით, მრავალსაათიანი სექსუალური წარმოდგენების დროს ხშირად ატარებდა კოსტიუმებს და პარიკებს.
კეისიმ ასევე განაცხადა, რომ დიდი ამ ხანგრძლივი სესიებისთვის განწყობის შესაქმნელ განათებასა და “წითელ ოთახს” იყენებდნენ.
მაღალი პროფილის სასამართლო პროცესის დასაწყისში, “დიდის” ყოფილი შეყვარებული ოთხ დღეზე მეტი ხნის განმავლობაში იძლეოდა ჩვენებას, სადაც ის ამტკიცებდა, რომ წლების განმავლობაში განიცდიდა ძალადობას და იძულებული იყო, წვეულებებში მონაწილეობა მიეღო.
მისი ჩვენების დასრულებისას პროკურორებმა მომღერლის სურათი აჩვენეს, სადაც მას გახეთქილი ტუჩი უჩანს.
კეისიმ თქვა, რომ მან ეს დაზიანება ლოს-ანჯელესის სასტუმროში მიიღო, სადაც სათვალთვალო კამერამ დააფიქსირა, როგორ სცემდა მას კომბსი ფეხებით.
სხვა სურათზე ვენტურას თვალის ზემოთ დიდი ჭრილობა ჰქონდა, რომელიც, მისი თქმით, “დიდის” მორიგი ძალადობის შედეგი იყო.
