ჩაქუჩით ჩამტვრეული სახის ძვლები და ცულით დაჩეხილი ფეხები – სოფელ ერედაში 29 წლის კაცი თანასოფლელებს სასტიკად გაუსწორდა.
ირკვევა, რომ თანასოფლელები ერთ-ერთი მეზობლის ბინაში იყვნენ შეკრებილები, სადაც მათ 29 წლის კაცი გუგა ფოცხვერაშვილი მიუვარდათ და ორ მამაკაცს უმიზეზოდ ფიზიკური დაზიანებები მიაყენა.
როგორც მასპინძელი და საქმის ოქროს მოწმე ყვება, თავდაპირველად თავდამსხმელი ფიზიკურად მას გაუსწორდა, გათიშა და შემდეგ უკვე კობა ჭეიშვილს და კობა ტეზელაშვილს ცულის და ჩაქუჩის გამოყენებით გაუსწორდა.
58 წლის კობა ჭეიშვილის და კობა ტეზელაშვილის გადარჩენას ექიმები ამ დრომდე კლინიკა “ჯეო ჰოსპიტალში” ცდილობენ.
ჩემი მეუღლე მძიმე მდგომარეობაშია. წევს მცხეთის საავადმყოფოში. სახლის ძვლები აქვს სულ ჩამსხვრეული, არცერთი ძვალი არ არის მთელი. გუშინ გაუკეთდა ოპერაცია. მიმდინარეობდა 8 საათი ეს ოპერაცია. როგორც ექიმმა თქვა, როგორც შევძელით ავკინძეთ ეს პატარ-პატარა ძვლებიო. ასე გავიგე, რომ ჰქონდა ჩაქუჩი, სამზარეულოს რაღაც მოწყობილობა და სახეში აქვს ნარტყამი, – ამბობს დაზარალებულის მეუღლე.
საზარელი დანაშაულის შესახებ ყვება კიდევ ერთი ადგილობრივი. ამბობს, რომ ადამიანები ისე იყვნენ ნაცემი, რომ მათ ცნობა შეუძლებელი იყო.
ეს პიროვნება, ეს გუგა, იდგა ბირჟაზე ბიჭებთან და ერთ-ერთის ძმისშვილიც ამ ბიჭებთან ერთად იდგა, როცა ვიღაცა ბავშვმა აღმოაჩინა, რომ ესენი იყვნენ ნაცემები და ვერ იცნო. ისე სცემა, რომ არცერთს სახე აღარ ეტყობოდა. როდესაც ვიღაც ბიჭი შევიდა იქ, დაინახა, რომ ვიღაცეები დაბლა იწვნენ, აღმოაჩინა ეს ნაცემი ხალხი, ვერცერთი ვერ იცნო, ისეთ მდგომარეობაშ ჰქონდათ სახეები, თავში და სახეში, მეორეს ფეხები მომტვრეული, თავის ქალა ჩამტვრეული, ჰემატომები აქვთ ორივეს, – ყვება ადგილობრივი.
როგორც ადგილობრივები და საქმის ოქროს მოწმე ყვება, თავდამსხმელს არ ჰქონდა მოტივი, რომ თანასოფლელებს ამგვარად გასწორდებოდა. უფრო მეტიც, ის ორივე დაზარალებულთან ნათესავურ კავშირში იმყოფება.
აღსანიშნავია კიდევ ერთი ფაქტი: როდესაც ადგილობრივებმა მომხდარის შესახებ შეიტყვეს და ნცაემი მამაკაცებისთვის დახმარებას ცდლობდნენ, ადგილზე მიყოფებოდა თავად თავდამსხმელიც და ისიც მატ დახმარებას ცდილობდა.
ამის შემდეგ გუგა ფოცხვერაშვილმა სოფლიდან გაქცევა სცადა. მას დაქირავებული ჰქონდა ტაქსი და გაქცევას ვლადიკავკვაზის მიმართულებით ცდლობდა, თუმცა პოლიციამ მისი დაკავება მოახერხა.
გამოძიება მომხდარზე სამი მუხლით არის აღძრული: ცემის და ჯანმრთელობის განზრახ მძიმე და მსუბუქი დაზიანების მუხლებით. დაზარალებული მამაკაცების ოჯახის წევრები კი მუხლის გადაკვალიფიცირებას ითხოვენ. ამბობენ, რომ საქმე, მინიმუმ, განზრახ მკვლელობის მცდელობის მუხლით უნდა აღძღულიყო. ოჯახები ეჭვობენ, რომ გუგა ფოცხვერაშვილს გავლენიანი მფარველი ჰყავს.
