გადაცემა „დღის პოსტის“ სტუმარი მომღერალი გია სურამელაშვილი იყო.
მომღერალმა მისი ფინანსური მდგომარეობის შესახებ ისაუბრა და ხუმრობით გაიხსენა ადრინდელი პერიოდი:
„ცოლთან ტომრით ვტოვებდი დაუთვლელ ფულს და მავიწყდებოდა… ფულს არ ვითვლიდი… მე მიჩვეული ვარ საჩუქრებს.
მაშინ ძალიან ბევრს ვშრომობდი, მე როგორც გიას, როგორც მსახიობს, ძალიან ბევრი მოწვევები მქონდა ფილმებში. მომღერლის კარიერაც ისეთი მქონდა, სულ დავდიოდი სოლოკონცერტებით, იმდენ ფულს ვშოულობდი.
მყავდა საოცარი ჯგუფი- ეთერ კაკულია, მედეა ძიძიგური… მე ბევრ ფულს ვშოულობდი და ეგენი ვეღარ… ეთერ კაკულიას და მედეა ძიძიგურს მთელი თვით რომ წავიყვანდი, არ იცი, რა ქეიფები, დროს ტარება გვქონდა…“, – იხსენებს მომღერალი.
