ამერიკის შეერთებული შტატების პრეზიდენტმა ინაუგურაციის შემდეგ, დაუყოვნებლივ დაიწყო იმ პუნქტების აღსრულება, რომელზეც ინაუგურაციაზე ისაუბრა. განკარგულებების მცირე ჩამონათვალი, რომელსაც ტრამპმა ხელი მოაწერა შემდეგია:
- აშშ-მა დატოვა ჯანმრთელობის მსოფლიო ორგანიზაცია;
- ხელი მოეწერა განკარგულებას დიფ სთეიტისგან წმენდის შესახებ;
- ძალაშია განკარგულება აშშ-დან არალეგალების, კანონ დამრღვევებისა და სხვათა დეპორტაციის შესახებ;
- იმ არალეგალთა შვილები, რომლებიც აშშ-ში დაიბადებიან, ამერიკის მოქალაქეობას არ მიანიჭებენ;
- აშშტოვებს პარიზის კლიმატის შეთანხმებას;
- შტატებს არ ექნება განათლების სამინისტრო;
- ხელი მოეწერა განკარგულებას “სიტყვის თავისუფლების შესახებ”;
- ძალაშია განკარგულება ნაციონალური უსაფრთხოების შესახებ;
- ხელი მოაწერა ყოვლისმომცველ აღმასრულებელ ბრძანებას სიკვდილით დასჯის შესახებ,
- გაუქმებულია წინამორბედის განკარგულება თანასწორობის და ინკლუზიურობის შესახებ;
- ასევე – განკარგულება ჯანდაცვის სისტემის რეფორმირების შესახებ;
- მექსიკის ყურეს დაერქვა აშშ-ის ყურე;
- 90 დღის შეჩერებულია ყველა საერთაშორისო დახმარების გაცემა, რადგანაც უნდა მოხდეს შესწავლა, რამდენად თახვედრაშია გაცემული დახმარებები აშშ-ის პოლიტიკასთან.
ეს გახლავთ მხოლოდ მცირე ჩამონათვალი იმ განკარგულებებისა, რომელი უკვე ამოქმედდა.
ზოგიერთ მათგანს კი საერთაშორისო გამოხმაურებები უკვე მოჰყვა. მაგალითად, ჯანდაცვის მსოფლიო ორგანიზაციამ განცხადება გაავრცელა და იმედი აქვს, რომ აშშ ჯანმოს დაუბრუნდება.
„ჩვენ ვიმედოვნებთ, რომ აშშ გადახედავს გადაწყვეტილებას და მოუთმენლად ველოდებით კონსტრუქციულ დიალოგში ჩართვას აშშ-სა და ჯანდაცვის მსოფლიო ორგანიზაციას შორის პარტნიორობის შესანარჩუნებლად მსოფლიო მასშტაბით მილიონობით ადამიანის ჯანმრთელობისთვის და კეთილდღეობისთვის“, – აღნიშნულია განცხადებაში.
წყარო: mcm
