ისამ მახაჩევი ამართლებს უსმან ნურმაგომედოვისა და მისი თანმხლები პირების საქციელს, როდესაც ისინი აბუ-დაბიში, ინტერვიუს ჩაწერის მომენტში მერაბ დვალიშვილს ზურგიდან მიეპარნენ და თავს დაესხნენ.
მახაჩევი აღნიშნულს ადარებს ეპიზოდს, როდესაც 2026 წლის 11 ივლისს, თბილისში, ტურნირ RAF Georgia-ს პრესკონფერენციის კულისებში მერაბ დვალიშვილი რუს მოჭიდავესთან, ახმედ გაჯიმაგომედოვთან ერთი ერთზე მივიდა და სახეში გაარტყა.
,,იმათ, ვინც ახლა უსმანს და ბიჭებს გმობს და შეურაცხყოფას აყენებს:
რატომ იყავით ჩუმად, როცა მერაბმა დაღესტნელ მოჭიდავეს უმიზეზოდ დაარტყა
და მისი ღირსება შეურაცხყო?
კაცი მასთან მივიდა სასაუბროდ, ყოველგვარი ცუდი განზრახვის გარეშე.
რაც დღეს მოხდა, მერაბმა დაიწყო საკუთარ
სამშობლოში, როცა თავის თავზე
აიღო სტუმრისთვის დარტყმა და მისი დედის შეურაცხყოფა”, – წერს ისლამ მახაჩევი.
ინციდენტი უმარ ნურმაგომედოვთან დაკავშირებულ სიტყვიერ შელაპარაკებას მოჰყვა.
მოგვიანებით, Sherdog-თან ინტერვიუში დვალიშვილმა განმარტა, რომ კულისებში დასვენებისას გაჯიმაგომედოვმა მას კისერში ხელი წაავლო და რუსულად ხმამაღლა დაუწყო ლაპარაკი.
ქართველმა მებრძოლმა აღნიშნა, რომ გაჯიმაგომედოვს არ ჰქონდა უფლება ჩარეულიყო მასსა და ნურმაგომედოვს შორის არსებულ დაპირისპირებაში.
წყარო: რადიო თბილისი
