ლილოს სასაფლაოს მიმდებარე ტერიტორიაზე ცხოველთა უფლებადამცველებმა ასობით ძაღლის სამარხი აღმოაჩინეს.
თვითმხილველების თქმით, ყველა ძაღლს ყურზე სპეციალური ნიშნის კვალი აღენიშნება, რაც იმას ნიშნავს, რომ ისინი ვაქცინირებული და სტერილიზებულები იყვნენ და საზოგადოებისთვის არც საფრთხეს წარმოადგენდნენ და არც უკონტროლო გამრავლების კუთხით პრობლემას.
ესენი არიან საჭდიანი, სრულიად ჯანმრთელი ძაღლები, აქედან ძალიან ბევრი არის ლეკვი და არიან ასაკოვანი ძაღლებიც, რომლებიც თბილისის ქუჩებში ცხოვრობდნენ და წლების განმავლობაში არანაირ საფრთხეს არ წარმოადგენდნენ მოსახლეობისთვის.
შეიძლება ვინმემ თავი იმართლოს, მაგრამ ვერავინ ვერ დამარწმუნებს, რომ ესენი არიან დაავადებული ძაღლები”, – ამბობს ერთ-ერთი უფლებადამცველი tv პირველთან.
უფლებადამცველები მიუთითებენ დაავადებების გავრცელების რისკზე, რადგან მათივე თქმით, იმ ტერიტორიაზე არანაირი ჯებირი ან გამაფრთხილებელი ნიშანი არ არაებობს, ბევრი სამარხი კი ღიაა დატოვებული და მიწაც კი არ აქვს დაყრილი.
